ບໍລິສັດ ອາລິອັນສ໌ ປະກັນໄພລາວ ຂໍເປັນກໍາລັງໃຈ ແລະ ຮ່ວມແຮງໃນການຕ້ານການລະບາດຂອງພະຍາດໂຄວິດ-19 ດ້ວຍມອບເຄື່ອງຊ່ວຍເຫຼືອປ້ອງກັນໂຄວິດ-19 ໃຫ້ແພດໝໍໂຮງໝໍມິດຕະພາບ.​

..........

ໃນວັນທີ 05 ພຶດສະພາ 2021 ນີ້, ບໍລິສັດ ອາລິອັນສ໌ ປະກັນໄພລາວ ໄດ້ນໍາເຄື່ອງຊ່ວຍເຫຼືອໄປມອບໃຫ້ໂຮງໝໍມິດຕະພາບ (150 ຕຽງ) ເພື່ອນໍາໃຊ້ເຂົ້າໃນການຕ້ານ ແລະ ສະກັດກັ້ນ ການແຜ່ລະບາດຂອງເຊື້ອພະຍາດໂຄວິດ-19 ຢູ່ ສປປ ລາວ.

ກ່າວມອບໂດຍທ່ານນາງ ວານິດາ ສະຫວັດດີ, ຮອງອຳນວຍການບໍລິສັດ ອາລິອັນສ໌ ປະກັນໄພລາວ ກ່າວຮັບໂດຍ ທ່ານ ດຣ. ສອນໄຊ ລາດຊະວົງ, ຮອງອຳນວຍການໂຮງໝໍມິດຕະພາບ ມີບັນດາຄະນະນໍາທັງສອງຝ່າຍເຂົ້າຮ່ວມເປັນສັກຂີພິຍານ.

ເຄື່ອງທີ່ນໍາມາຊ່ວຍເຫຼືອໃນຄັ້ງນີ້ ໄດ້ແກ່: ຊຸດ PPE ຈຳນວນ 200 ຊຸດ, ໜ້າກາກອະນາໄມ 200 ກັບ, ມີ່ໄວໄວ 45 ແກັດ ແລະ ນໍ້າດື່ມ 31 ແພັກ ລວມມູນຄ່າ 20,000,000 ກີບ.